ФОТО | Основачот на Телеграм, Павел Дуров изјави: „Со задоволство би го купил украдениот накит од Лувр“
Основачот на Телеграм, Павел Дуров, изјави дека со задоволство би го купил накитот украден од парискиот Лувр и би го подарил на Лувр во Абу Даби.
Препорачано
-
1
-
2
-
3
„Никој не краде од Лувр во Абу Даби“, напиша Дуров на платформата Икс.
Durov says he’ll buy back the stolen Louvre treasures to donate them to the museum’s twin in Abu Dhabi
Telegram founder Pavel Durov said he’s ready to purchase the treasures stolen from the Louvre — not to return them to Paris, but to donate them to the Louvre Abu Dhabi instead.… pic.twitter.com/u6laDk46up
— NEXTA (@nexta_tv) October 21, 2025
Инаку Дуров, во март оваа година се врати во Дубаи. Тој беше уапсен во август 2024 година на аеродром во близина на Париз, по што против него беше поведена официјална истрага и му беше забрането да ја напушти територијата на Франција.
Дуров потврди дека поминал неколку месеци во Франција „поради истрага поврзана со активности на криминалци на Телеграм“.
„Постапката сè уште е во тек, но прекрасно е чувството да си дома“, изјави Дуров по враќањето и им се заблагодари на истражните судии што му дозволиле да ја напушти Франција.
Да потсетиме, крадци во неделата, на 19 октомври, провалиле во парискиот Лувр и украле осум парчиња накит што им припаѓале на француските царици. Грабежот го извршила група од четири лица, од кои две провалиле во музејот, пренесуваат француските медиуми.
Лувр е отворен во 1793 година и е еден од најпосетуваните музеи во светот.
