Неодамна беше претставено новото издание на „Мишелинов водич Белград 2026“ (MICHELIN Guide Belgrade 2026), кое ја истакнува зрелоста и силата на гастрономската понуда во српската престолнина.

Во изборот се додадени уште пет нови ресторани, со што вкупниот број се искачи на 25. Ова е петтото издание од 2021 година наваму. Како резултат на инспекциите, доделен е и нов „Биб Гурман“ (Bib Gourmand), признание што се доделува за одлична и автентична кујна по прифатливи цени.

Новиот „Биб Гурман“ (Bib Gourmand) – „Бела Река“

„Бела Река“ е лоциран во Нов Белград, модерниот дел на градот. Ресторанот се издвојува со традиционална кујна со нагласок на месни и млечни специјалитети, како и блиската соработка со локални добавувачи, вклучувајќи и сопствена фарма. Простран, со топла и професионална услуга, како и жива атмосфера, овој ресторан продолжува да ја оправдува репутацијата.

 

View this post on Instagram

 

A post shared by Restoran Bela Reka (@restoran.bela.reka)

Признанието „Биб Гурман“ (Bib Gourmand)  го задржуваат и двата добро познати ресторани:

„Исток“ (Istok), со возбудлива југоисточноазиска кујна и минималистички амбиент, и „Ива Нова балканска кујна“ (Iva New Balkan Cuisine), каде што владее современа и пријатна атмосфера. Гостите уживаат во традиционални српски рецепти презентирани во модерен стил.

 

View this post on Instagram

 

A post shared by Iva New Balkan Cuisine (@ivanewbalkancuisine)

Ресторани со една Мишелин ѕвезда

На врвот на изборот повторно се наоѓаат двата ресторани со по една ѕвезда:

„Лангуст“ (Langouste)

Сместен во историскиот центар и под водство на шеф Марко Ѓериќ, овој ресторан нуди современи интерпретации на локални производи преку прецизно изработени и елегантни рецепти.

 

View this post on Instagram

 

A post shared by Langouste Restaurant (@langousterestoran)

„Фел де Сел“ (Fleur de Sel)

Лоциран во руралниот Нови Сланкамен, ресторанот ја оправда довербата со француски и сопствени специјалитети предводени од шеф Никола Стојаковиќ.

 

View this post on Instagram

 

A post shared by Experience Serbia (@serbiatourism)

Пет нови избрани ресторани

„Сувенир“ (Suvenir)

Сместен надвор од центарот, на сплав на реката Сава, овој ресторан нуди безвременска атмосфера и традиционални јадења како печени ракчиња и јадранска лигњи со компир. Елегантниот ентериер и професионалната услуга го збогатуваат искуството.

„Прајм“ (Prime)

Во рамки на хотелот Корн Плаза (Crowne Plaza), овој ресторан нуди светол и елегантен простор со самостоен гастрономски идентитет. Менито е доминантно медитеранско со италијански примеси – свежо подготвената паста е нивен специјалитет.

„Путер“ (Puter)

Името „Puter“ (путер) ја најавува нивната кујна инспирирана од француските техники и локалните српски вкусови. Модерено бистро со јадења подготвени по традиционални, често бавни методи на готвење, со исклучително убава презентација.

 

View this post on Instagram

 

A post shared by PUTER FINE BISTRO (@puterbistro)

„С5 бај Енџи“ (S5 by Angie)

Раководен од младата и амбициозна шефица Анѓела Рисимиќ, ресторанот комбинира италијански дух и европски искуства. Равиоли со зајак и сос од печурки се пример за топлата и креативна кујна.

„Ресторан 27“ (Restoran 27)

Секој елемент – храната, услугата и амбиентот се внимателно осмислени со цел да остават одличен впечаток кај гостите. Менијата се инспирирани од класични вкусови со креативни акценти и референци кон Србија, но и кон италијанската медитеранска кујна.

„Мишелинов водич Белград 2026“ (MICHELIN Guide Belgrade 2026) – Накратко

2 ресторани со една Мишелин ѕвезда

3 ресторани со „Биб Гурман“ (Bib Gourmand) (еден ново додаден)

20 избрани ресторани (пет нови)

25 препорачани ресторани во целост (пет нови)