Мирис на кафе и љубов кон пишаниот збор. Токму тоа ги поврзува најубавите кафе-книжарници на Балканот – уникатни простори кои нудат повеќе од обична шолја кафе, пишува „Нова“.

Историјата на ваквите простори започнува уште во 16. век, кога првата кафе-книжарница била отворена во Истанбул во 1555 година. Навиката за пиење кафе во друштво на добра книга брзо се проширила во Европа, а денес постои насекаде низ светот.

Денешните кафе-книжарници се многу повеќе од продавници за книги. Тие се и изложбени простори, кафулиња, барови, читаоници, а понекогаш и мали културни центри. И на Балканот постојат вистински урбани катчиња, каде што со шолја кафе може да се најде мир, инспирација и нова приказна.

„Буква“, Скопје

Во срцето на Скопје, кафе-книжарницата „Буква“ нуди мирна и зелена атмосфера, со ентериер поделен на зона за книги и простор за кафе. Тука може да се прочита нешто ново, да се работи на лаптоп или едноставно да се ужива сам или во друштво. Совршено катче за градска пауза со културен белег.

„Итака“, Подгорица

Скриен бисер во главниот град на Црна Гора. „Итака“ е и библиотека и кафуле, каде наутро се пие кафе, а попладне и навечер се служат коктели со музика. Декорот е еклектичен, со полици полни книги, удобни места за седење и пријатно осветлување. Простор каде што човек лесно се чувствува како дома.

„Бaјбук“, Сараево

Основана во илјада деветстотини деведесет и шестата година, „Бaјбук“ е една од најпрепознатливите книжарници во Босна и Херцеговина. Се наоѓа на улицата Радиќева во Сараево и нуди богат избор на наслови, домашни и странски. Во пријатниот амбиент може да се чита, разговара или едноставно да се одмори во тишина.

„Штрик“, Белград

Во улицата Влајковиќева број 7, „Штрик“ е тивко и топло место каде може да се учи, работи, чита, дружи или едноставно да се биде сам. Просторот е пријателски и за домашни миленици. Се служи квалитетно кафе, чај, лимонада и други пијалаци, а на полиците може да се најде следната омилена книга.

„Зенит, Нови Сад

На улицата Његошева број 24, „Зенит“ претставува спој на книжарница, кафуле и културен простор. Може да се ужива во локална храна, добри пијалаци, жива музика и богат избор на книги. Тука може да се најде и оригинален подарок од домашни дизајнери.

„Букса“, Загреб

„Букса“ е место за дружење, читање, работа, дебата и културни програми. Преку ден се пие кафе и се разменуваат идеи, а навечер се организираат книжевни вечери, концерти, патеписи, креативни работилници и читачки клубови. Ова е центар за сите што ја сакаат книжевноста во сите нејзини форми.

„Азил“, Љубљана

Сместена на плоштад опкружен со барокни згради, кафе-книжарницата „Азил“ претежно нуди академска литература. Иако нема трилери и лесно четиво, атмосферата е мирна и поттикнувачка. Идеално место за пауза од прошетка и кратко повлекување во сопствените мисли.