Пожарникарите-доброволци од хрватското место Марија Магдалена, близу до границата со Хрватска, викендов добиле необичен повик – да ги спасуваат јавачот и неговата кобила, кои пропаднале во длабока дупка во шума.

„Кога добивме дојава дека кобила паднала во јама, мислевме дека некој нè зеза. Сопственикот и таа јавале низ шумата кога земјата под неа пропаднала и двајцата паднале во јамата. Сопственикот успеал да исползи, но требало да се извлече коњот тежок повеќе од половина тон. За среќа, беше многу мирна и послушна, а помогна и присуството на сопственикот“, изјави за „24 сата“ Стипан Михок (30), заменик-командирот на Доброволното пожарникарско друштво „Марија Магдалена“.

Тие во саботата во 14:40 часот примиле дојава и на терен излегле со седуммина пожарникари.

Кобилата била во добра состојба, а пожарникарите се сликале со неа по успешната спасувачка акција.

ВИДЕО | Коњи спасија комбе со патници во завеаниот Златибор