Сами Шин, ќерката на Чарли Шин и Дениз Ричардс, повторно го привлече вниманието со нови фотографии на социјалните мрежи и со својот успех на Онлифанс, каде наводно заработува милиони, пишува „Дејли мејл“. Сами има голем број следбеници на социјалните мрежи, а нејзините најнови фотографии на кои позира во розов костим за капење привлекоа значително внимание. Дел од коментарите беа: „Совршенство“ и „Многу убава“.

Покрај популарноста на социјалните мрежи, таа успешно гради кариера и на Онлифанс, каде, според „Дејли мејл“, заработува милиони. Извор близок до британски таблоид тврди дека „плива во пари“ и дека благодарение на оваа работа уште како тинејџерка си обезбедила стан и автомобил.

„Сами доминира, нејзините фотографии се исклучително популарни и веќе е мултимилионерка“, изјавил изворот.

„Таа е на пат да заработи огромно богатство од моделството, а дури е на почеток.“

Својот профил на платформа за претплата го отворила во 2022 година, кратко по полнолетството, со цел да стане финансиски независна. За списанието „Пипл“ ја објаснила својата одлука:

„Навистина сакав да си дозволам стан, а знаев дека платата од слаткарницата каде што работев нема да биде доволна. Затоа ја избрав најдобрата опција и отворив профил.“

Нејзината содржина, која комбинира бесплатни и ексклузивни објави, се покажала како многу успешна. По пробниот период, претплатата изнесува околу 20 долари месечно или над 200 долари годишно.

Сами вели дека работата ѝ отворила многу можности, независно од славата на нејзините родители.

„Запознав навистина одлични луѓе преку оваа работа. Многу е исплатливо да си свој шеф, сам да си го одредуваш работното време и да го работиш она што отсекогаш си го сакал“, изјавила таа.

Нејзиниот успех ја поттикнал и нејзината мајка, Дениз Ричардс, исто така да отвори профил во 2022 година, иако Сами првично се соочила со критики бидејќи започнала веднаш по полнолетството.

„Слушнав за тоа… и кога видов колку критики добива Сами, тоа како мајка, но и како жена во оваа индустрија, многу ме вознемири“, изјавила Ричардс за списанието „Пипл“.

Сепак, мајката и ќерката имаат строго правило – никогаш не ја гледаат содржината што ја објавува другата.

Поранешниот актерски пар, Чарли Шин и Дениз Ричардс,  кој се разведе пред дваесет години, ја доби Сами во 2004 година, а една година подоцна и помладата ќерка Лола Роуз, која денес има 20 години.