ФОТО | „Ќе лежеше затвор поради вечера со Путин“: Ова е актерката која бараше руско државјанство
Славната италијанска актерка Орнела Мути, деновиве ќе го прослави својот 67 роденден и изгледа фантастично. Во светските медиуми кружат фотографии од неа, а многумина останаа восхитени кога ја видоа, и имаа причина зошто.
Франческа Романа Ривели, позната во светскиот џет-сет како Орнела Мути, ја започнала својата кариера како модел, а набрзо ја забележале филмските режисери, па набрзо добила и филмски улоги. Најпознати филмови во кои се појави се „Флеш Гордон“ „Il bisbetico domato“, „Оскар“, а на публиката од балканскиот регион најпозната им е по улогата во филмот „Девојката од Трст“.
Убавицата Орнела е една од оние жени чија харизма „отвора врати“, не само поради убавината, туку и реткиот спој на талент и убавина.
View this post on Instagram
Самата има изјавено дека цел живот е физичка активна, не конзумира алкохол и нејзината исхрана е претежно свежо овошје и зеленчук, мали порции и се придржува на пост.
Мути исто така неколку пати има јавно нагласувано дека е голема противничка на естетската хирургија и изјави дека не сака да се одрече од лицето и телото кое фановите го познаваат, а грижата за своето лице ја одржува со хидратација и креми прилагодени за нејзината возраст.
Природната убавица, секако има и руски „траги“ во нејзиниот живот. Нејзиниот татко бил наполитански новинар кој се вљубил во мајка ѝ, германско-естонска вајарка, а се запознале и живееле во Санкт Петерзбург, Русија.
Орнела пред извесен период јавно објави дека бара руско државјанство.
„Би било убаво да добијам државјанство, затоа што тоа е дел од мојата култура, преку мојата мајка. Оваа година таа почина, и мислам дека тоа би било убав подарок за неа – изјави актерката.
Имено, Орнела пред неколку години се соочи со можна казна затвор поради „руските“ врски и симпатии, бидејќи лажирала боледување за само да се појави на вечера со рускиот претседател, Владимир Путин.
Италијанска актерка поради вечера со Путин се соочува со затвор