Воени лекари во Шри Ланка го извадиле најголемиот и најтешкиот камен во бубрегот на светот во текот на операција на пензиониран војник, соопшти војската на Шри Ланка.

На 62-годишен поранешен подофицер му бил отстранет камен од бубрег од 801 грам, што е повеќе од пет пати поголема од тежината на просечен машки бубрег, според армијата.

Каменот бил долг 13,37 см, а просечниот бубрег е долг од 10 до 12 см.

Army Doctors Enter @GWR Removing the World’s Largest Kidney Stone at #Army Hospital #Colombo.
More details :- https://t.co/kPRhiXcAbg@bbcsinhala @bbctamil @Dailymirror_SL @WHO @newsdotlk @NewsWireLK @DailyNews_lk @ThinakaranLK @BBCWorld @thamilannews @MoH_SriLanka pic.twitter.com/RIqJia0PUx

— Sri Lanka Army (@Sri_Lanka_Army) June 13, 2023

„Најголемиот и најтешкиот камен во бубрегот во светот е отстранет по хируршки пат на 1 јуни во воената болница во Коломбо“, се наведува во соопштението на војската.

Оваа вест беше објавена откако рекордот го призна Гинисовата книга на рекорди.

Претходниот рекорд – 620 грама – за камен во бубрег е пријавен во 2008 година во Пакистан, наведува Гинис.

„Најважно за нас е бубрегот да работи нормално и покрај големината на каменот“, рекол воениот хирург К. Сутаршан.

Воениот пензионер изјавил за локалната телевизија дека од 2020 година трпел болки во стомакот, а лековите што ги земал воопшто не му помогнале.

Камењата во бубрезите се формираат со таложење на минерални соли во бубрегот, орган кој ја прочистува крвта.