Филмскиот фестивал во Венеција влегува во своето големо финале. Во Мостра пристигна и Георгина Родригез, партнерката на фудбалерот Кристијано Роналдо, која веќе неколку години е редовен гостин на фестивалот. Нејзините изданија во Венеција се секогаш секси и забележливи, а така беше и овој пат, кога познатата инфлуенсерка се појави на аеродромот Марко Поло во шорцеви, мрежести хулахопки и класични потпетици.

Георгина синоќа пристигна на Филмскиот фестивал во Венеција и присуствуваше на 20-годишнината од доделувањето на наградите „Diva e Donna“ на црвениот тепих. Се појави во гламурозно издание, кое истовремено плени со својата едноставност.

Убавата 30-годишна девојка се одлучи за тоалета потпишана од модната куќа „Оскар де ла Рента“, кој отсекогаш бил синоним за висока мода, а се покажа како совршен избор.

Станува збор за луксузен долг фустан од бел шифон, кој во горниот дел ја „следи“ фигурата на Георгина, создавајќи илузија на силуета на песочен часовник, иако оваа дама нема таков тип на градба.

Креацијата е набрана во горниот дел, додека долниот дел е пуштен во нежно здолниште со убав пад и длабок шлиц кој повремено би ги открил исончаните нозе на Аргентинката.

Фустанот, иако многу префинет и елегантен, сепак го истакна бујното деколте на партнерката на Роналд, и ја истакна нејзината сексапилност. Изданието го комплетираше со дијамантски обетки и прекрасно ланче со цветови од брендот „Pasquale Bruni“.