Американскиот пејач Џон Леџенд се огласи на социјалните мрежи по концертот во Пула и ги сподели своите впечатоци од првата посета на Хрватска.

На својот инстаграм-профил тој објави серија фотографии од настапот, но и од приватните моменти што ги поминал со семејството за време на престојот.

„Нашата прва посета на Пула, во Хрватска, беше прекрасна! Ви благодарам“, напиша Леџенд покрај објавата.

 

View this post on Instagram

 

A post shared by John Legend (@johnlegend)

Концертот се одржа во Пулскиот амфитеатар – еден од најдобро зачуваните римски амфитеатри во светот, изграден меѓу 27 година пред нашата ера и 68 година од нашата ера. Денес, овој антички споменик е една од најпознатите знаменитости во Хрватска и престижна сцена за концерти, филмски фестивали, оперски и театарски претстави.

Покрај фотографиите од концертот, музичарот објави и кадри од семејниот одмор, при што го посетиле и националниот парк Бриони.

Џон Леџенд ја откри тајната: Еве како неговиот брак со Криси Тајген трае цели 12 долги години