Помина речиси една година откако се извадени металните столпчиња кои беа поставени кај импровизираниот излез од од дивиот паркинг сместен наспроти Народна Банка во центарот на Скопје, но и понатаму нема реакција ниту од Општина Центар, ниту од Град Скопје за регулирање на овој простор што десетици скопјани секојдневно го узурпираат.

ВИДЕО | Возач на „пунто“ ги прекрши сите сообраќајни правила за да се паркира на див паркинг

Дивиот паркинг, сместен зад автобуските постојки е една огромна површина каде возачи секојдневно се качуваат на тротоарот, минуваат низ пешачката и велосипедската патека за да влезат и да го паркираат својот автомобил, или пак од „задниот влез“, преку Маџир Маало.

Излегувањето од паркингот е уште „поинтересно“ бидејќи поради енормниот број возила кои се паркирани на ова место, има само една опција за излез – директно излегување на булевар преку сечење“ на вело-патеката и просторот за пешаци, потоа преку пешачкиот премин за на крај да се приклучат кон сообраќајот.

Скопјани не го даваат дивиот паркинг кај Народна банка, ги откорнаа столпчињата да си обезбедат влез

ЈП „Улици и патишта“ еднаш се обидоа да го „закрпат“ проблемот и поставија метални столбови кои беа забетонирани во подлогата, но кратко по нивното монтирање тие насила беа откорнати бидејќи најверојатно го блокирале излезот на овој импровизиран и див паркинг.

„Слободен печат“ постојано ги потсетува надлежните да го решат овој проблем, но вистинска мистерија е одговорот на нашето прашање: Кој е одговорен и кој го толерира овој сообраќаен хаос во центарот на главниот град?