Дакота Џонсон беше фотографирана како разменува страстен бакнеж со својот партнер Рол Модел за време на нивна вечерна прошетка во Лос Анџелес, пишува „Пејџ сикс“.

Двојката беше забележана како разменува нежности на паркинг во населбата Лос Фелиз во петокот навечер. Џонсон носеше лежерна црна јакна преку маслинесто зелена блуза, додека раперот беше облечен во сина маица, црни панталони и капа.

Рол Модел, чие вистинско име е Такер Пилсбери беше фотографиран и како нежно ја допира актерката од „Педесет нијанси сиво“ по образот и косата, додека двајцата се гушкаа на јавно место.

На друга фотографија, Пилсбери стои во близина додека Дакота се подготвува да влезе во автомобил, а на трета тие водат интимен разговор.

Во еден момент, Џонсон беше видена како среќно го прегрнува одзади, носејќи темноцрвена чанта на рамото.

Џонсон (36) првпат ги поттикна гласините за врската со 28-годишниот пејач во декември 2025 година, кога беа фотографирани заедно на вечера со пријатели.

Според извори, тие биле многу блиски за време на таа вечера, а актерката од филмот „Материјалисти“ наводно била прилепена до него во текот на целата вечер.