Новогодишниот период е совршен изговор да се забави секојдневието и да се наздрави со добар пијалак. Во срцето на Карпош, во „МГ бар“, коктелите одамна не се само пијалак, туку дел од една поширока култура на вистинско уживање.

Токму таму, барменот Димитри Мицковски подготви три новогодишни коктели специјално за празничниот серијал на „Слободен печат“. Уживајте!

„Норт бери“

Потребни состојки:

• 50 мл вотка
• 30 мл сок од лимон
• 60 мл сок од калинка
• Спрајт

Подготовка:

Во шејкер со мраз се додаваат вотката, сокот од лимон и сокот од калинка и кратко се протресуваат. Смесата се процедува во висока чаша исполнета со мраз, а потоа се дополнува со Спрајт.

Декорација:

• Шумско овошје
• Висока тенка чаша

„Крисмас сауер“

Потребни состојки:

• 50 мл виски
• 30 мл сок од лимета
• 20 мл шербет
• Белка од јајце
• Црвено вино

Подготовка:

Сите состојки – вискито, сокот од лимета, шербетот и белката од јајце – се ставаат во шејкер со мраз и се шејкаат енергично околу 10 секунди. Коктелот се процедува во ниска чаша за виски, а на самиот крај внимателно се додава црвеното вино по површината.

Декорација:

• Лижавче во форма на бастунче
• Ниска чаша за виски

„Голден шприц“

Потребни состојки:

• 50 мл џин
• 60 мл сок од портокал
• Просеко
• Минерална вода

Подготовка:

Во винска чаша се става мраз. Потоа се додаваат џинот и сокот од портокал и лесно се промешува за да се соединат вкусовите. Потоа се дополнува со просеко и малку минерална вода, а коктелот повторно нежно се меша.

Декорација:

• Парче портокал
• Рузмарин
• Чаша за вино

Не ги пропуштајте и новогодишните коктели од „Каза бар“ 🎅 

МГ Бар, општествено одговорен угостителски објект во Скопје