Хај-фај барот „Бонобо“, сместен во центарот на Скопје, е место каде што пијалакот, храната и музиката функционираат како едно целосно искуство. Со внимателно осмислен ентериер, зеленило и атмосфера што се менува во текот на денот – од утринско кафе и бранч, до вечерни винил-сетови и квалитетни пијалаци – „Бонобо“ се наметна како простор во кој секој дел од денот има свој ритам.

Во рамки на новогодишниот серијал на „Слободен печат“, овојпат ги издвојуваме коктелите од „Бонобо“ – рецепти инспирирани од нивниот пристап кон пијалакот, доволно едноставни за подготовка и идеален избор за дочекот на 2026 година во домашна атмосфера.

„Ла долче серената“

Потребни состојки:

• 30 мл Италикус бергамото
• 20 мл Рамацоти аперитиво
• 20 мл сок од лимета
• Швепс битер лемон – за дополнување

Подготовка:

Во висока чаша исполнета со мраз се додаваат сите состојки и лесно се промешуваат.

Декорација:

• Свежи малини во чашата
• Гранче копар одозгора

„Гејша“

Потребни состојки:

• 40 мл јапонски џин
• 20 мл сируп од личи
• 30 мл зелен чај
• 20 мл сок од лимета
• 20 мл белка од јајце

Подготовка:

Сите состојки се ставаат во шејкер и најпрво се шејкаат без мраз за да се создаде фина пена. Потоа се додава мраз и повторно се шејка неколку секунди. Коктелот се процедува во коктел-чаша.

Декорација:

• Дехидрирана пудра од лимета

„Ла долче серената“

Потребни состојки:

• 40 мл скоч виски
• 20 мл амаро ликер
• 10 мл пире од маракуја (пешн фрут)
• 10 мл сируп од цимет
• 15 мл сок од лимета
• мало парче ѓумбир
• 20 мл белка од јајце

Подготовка:

Во шејкер најпрво се гмечи ѓумбирот, по што се додаваат сите останати состојки. Се шејка без мраз за да се добие пена, потоа со мраз и повторно се шејка. Коктелот се процедува и се сервира во олд фешнд чаша.

Декорација:

Искршено стапче цимет

БОНОБО, општествено одговорен угостителски објект во центарот на Скопје