Брижит Макрон го посетила домот за млади „Loir-Et-Cher Teenagers House“ сместен во францускиот град Блуас, чие работење го финансира и хуманитарната организација „Pieces Jaunes“, чија цел е да се подобри животот на децата кои што се лекуваат во болниците, а која како претседателка на француската болничка фондација, ја предводи првата дама на Франциија.

За дружењето со младите и водителите Брижит Макрон облекла многу едноставна, по малку и здодевна комбинација, но, и покрај тоа што е видена веќе безброј пати, секогаш изгледа добро.

Својот неоптоварен и на настанот соодветен стајлинг првата дама на Франција се облекла во црни панталони „скини“ крој со кои што искомбинирала црни чизми до глужд на висока дебела потпетица. Целиот аутфит го надополнила со маслинесто зелено палто со големи златни копчиња под кое што се гледала белата маица.

Ваквиот едноставен и неодоливо обичен аутфит веќе стана и своевидна униформа на првата дама на Франција, а всушност, многу лесно може да се копира, особено во деновите кога немаме идеја што да облечеме.

Брижит на својот стајлинг додала и бел шал, додека, пак, од накит носела масивни прстени и белегзија/часовник со ремче во слична маслинеста нијанса како и палтото.

          Профимедиа