Формула 1: Макс Ферстапен до пол позиција во Јапонија
Холандскиот возач Макс Ферстапен ја освои пол-позицијата за Големата награда на Јапонија во Формула 1, откако беше најбрз денеска на квалификациите на патеката Сузука.
Актуелниот шампион и лидер оваа сезона покажа дека лошиот резултат на „Ред Бул“ во Сингапур е надминат и стигна до првата позиција со најбрз круг (1:28.877).
Зад него се пласираа возачите на „Мекларен“, Оскар Пјастри и Ландо Норис.
Четвртото место го освои Шарл Леклер („Ферари“), зад него следуваат Серхио Перез („Ред Бул“), Карлос Саинц јуниор („Ферари“), Луис Хамилтон („Мерцедес“) и Џорџ Расел („Мерцедес“).
Трката во Јапонија ќе се вози во недела во 07.00 часот наутро по македонско време.
На три трки до крајот на сезоната во генералниот пласман кај возачите води Ферстапен со 374 поени, пред Перез со 223, а на третата позиција е Хамилтон со 180.