Фудбалерите на Барселона загубија од Жирона со 2:1 на гостински терен во 24. коло од Ла Лига. По натпреварот, тренерот на Барселона, Ханси Флик, имаше критики за судиите.

– Сите видовте што се случи со вториот гол на Жирона. Дали видовте? Дали беше фаул или не? Дали беше? Ви благодарам, не треба повеќе да зборуваме за тоа. Не сакам да барам изговори. Судиите се на исто ниво како и ние. Значи, не на многу високо ниво – рече Флик.

Можете да ја погледнете ситуацијата за која зборува Флик од 11:36 мин. на видео записот:

Барселона не успеа да се врати на првото место.

– Не сме во добар момент ниту во добро расположение. Сè уште имаме долг пат пред нас и борба за првото место. Не завршивме добра работа и мора да се подобриме. Не се покажавме најдобро, особено во средината, и направивме многу грешки. Му дадов на тимот два дена одмор, а потоа очекувам да се вратат некои играчи. Тоа се Педри и Рашфорд, а можеби и Гави. Имаме нова ситуација и сакаме да се вратиме во добра форма – вели тренерот на Барселона.

Ова беше голем кикс за тимот на Ханси Флик кој не успеа да се врати на првото место во Ла Лига. Тие сега се два бода зад лидерот Реал, кој повторно е на врвот по победата против Реал Сосиедад.

ВИДЕО: Жирона ја шокираше Барселона, Реал Мадрид остана лидер