ФК Ренова нема да игра во 1МФЛ, клубот ќе продолжи во сите младински категории
Фудбалскиот клуб Ренова АД од Џепчиште, преку официјален допис до Фудбалската федерација на Македонија информира дека клубот нема да биде дел од натпреварувањето во Првата македонска фудбалска лига за натпреварувачката сезона 2022/23.
Во продолжение, дописот од ФК Ренова до Фудбалската федерација на Македонија:
– Почитувани, со ова известување ве известуваме дека Фудбалски клуб Ренова АД с. Џепчиште, Тетово се откажува од натпреварување во прва МФЛ во сезоната 2022 год – 2023 год, додека во сите останатите младински категории клубот ќе продолжи со редовно натпреварување – стои во дописот на ФК Ренова АД.
Останува да се види дали ќе има замена за „гипсарите“ или ќе започне шампионатот со 11 екипи.
Како што е познато, првото коло во 1МФЛ ќе се одигра на 6 и 7 август, двојките се Шкендија – Скопје, Силекс – Работнички, Академија Пандев – Брегалница, Струга Трим Љум – Победа, Тиквеш – Шкупи, а Македонија Ѓ.П. требаше да биде домаќин на Ренова.