Финишот кобен за Еурофарм Пелистер
Битолчани на првиот натпревар во Лигата на Европа се поразени на гостувањето кај Гудме со 30:29 со гол во последната минута.
Целиот натпревар мина во израмнета борба на Гудме и Е. Пелисатер кои не дозволија ниту еден тим да се „одлепи“ и имаа свои моменти во одредени делови на средбата.
Првото полувреме мина во крајно израмнета игра, најголемата предност на некоја екипа изнесуваше два гола (10:8) и тоа за данскиот тим, но пелистерци веднаш возвратија и на полувремето се замина со 13:31. Во првиот дел блескаше Стипе Мандалиниќ кој постигна шест гола.
Во вториот дел идентична слика, на секоја мини серија на едниот тим, другиот возвраќање со своја мини серија и ја враќаше резултатската неизвесност. Во последните две минути се влезе со 29:29, а Кушан не успшеа да постигне гол по што домашните ракометари веднаш казнија и поведоа со 30:29. Во последните моменти Мараш не ја искористи својата шансаи тоа значеше пораз за Еурофарм Пелистер.
Хрватскиот репрезентативец Стипе Мандалиниќ беше најпрецизен ракометар на средбата со 11 гола, а добра игра прикажа и Кушан кој даде осум гола. Во редовите на Гудме, Емил Јакобсен постигна девет гола.