ФИФА е подготвена да ги промени правилата околу суспензиите за акумулирани жолти картони на Светското првенство ова лето, пренесува „Би-би-си спорт“.

Пред Мундијалот, ФИФА планира да воведе ново правило во врска со санкциите за играчи со парни жолти картони во групната фаза.

На состанокот што ќе се одржи во Ванкувер, Канада треба да се усвои предлог за бришење на жолтите картони заработени во групната фаза.

Сегашните правила велат дека фудбалерот добива суспензија по два жолти картони, поради што националните тимови мораа да бидат внимателни околу играчкиот кадар за време на претходните светски првенства, или поточно, да обрнат внимание на минутажата на играчите под закана од суспензија. Евентуална промена на правилата значително би го намалила овој притисок во нокаут фазата на турнирот.

Раководителите на ФИФА сметаат дека воведувањето два термини за бришење на картоните би било пофер решение и би придонело за поголема спортска рамнотежа на натпреварувањето.

Светското фудбалско првенство ќе се игра од 11 јуни до 19 јули 2026 година во САД, Канада и Мексико.