ФИБА ги одреди термините за натпреварите со Италија и Естонија
Македонската сениорска репрезентација ја чека квалификацискиот турнир за ЕП 2022 година кој ќе биде реализиран во периодот од 28-30 ноември 2020 година во Талин, Естонија.
А на нешто повеќе од две недели пред официјалниот старт, познати се и термините на одигрување на натпреварите од „Б“ групата во т.н. „балон“ во главниот естонски град.
Првиот меч ќе го имаме на 28 ноември против селекцијата на Италија од 16.00 часот, подоцна од 20.30 часот силите ќе ги одмерат Естонија и Русија.
На вториот натпреварувачки ден од турнирот кој ќе се игра во Арената „Саку Сурхал“, избраниците на селекторот Александар Тодоров ќе играат против домаќинот.
Таа средба е најавена да стартува од 20.30 часот. Неколку часа порано, од 16.00 часот ќе играат репрезентациите на Русија и Италија.
РАСПОРЕД НА НАТПРЕВАРИТЕ НА ТУРНИРОТ ВО ТАЛИН
28. НОЕМВРИ (САБОТА)
16.00: Италија – МАКЕДОНИЈА
20.30. Естонија – Русија
30. НОЕМВРИ (ПОНЕДЕЛНИК)
16.00: Русија – Италија
20.30: Естонија – МАКЕДОНИЈА