Од федерацијата исто така најавија дека е склучен договор за реконструкција на стадионите „Чаир“ во Скопје и „Билјанини извори“ во Охрид со соработка со општините, а преку програмата за развој на УЕФА.

– Ова се крупни проекти од исклучително значење, но и дополнителен импулс за локалната самоуправа, сѐ со цел да обезбедиме убава иднина за нашиот фудбал. Се обидуваме да помогнеме секаде и на секаков начин и искрено се надевам дека тоа ќе го направиме според договореното и согласно нашите и принципите на УЕФА – изјави претседателот на ФФМ, Мухамед Сејдини по официјализирањето на соработката со општините.

Исто така на седницата на Управниот одбор на ФФМ беше донесен календарот за наредната натпреварувачката сезона 2019/2020.

Новата сезона во Првата македонска фудбалска лига е најавено да стартува на 11 септември со натпреварите од првото коло (17:30 часот).

Во рамки на промовирањето на ЕУРО 2020, а по препорака на УЕФА, Фудбалската федерација на Македонија воедно ја поддржа промотивната кампања за Европското првенство 2020 преку „Pro evolution soccer 2020“ новата видео игра на Konami, каде ќе биде вклучена и најдобрата македонска репрезентација.