Фернандо Сантош повеќе не е селектор на Португалија
Искусниот стратег Фернандо Сантош ја напушти клупата на португалската фудбалска репрезентација, информира италијанскиот новинар Фабрицио Романо.
Португалците беа елиминирани во четвртфиналето на Светското првенство во Катар од селекцијата на Мароко.
Сантош беше селектор на оваа репрезентација од 2014 година, а најголемиот успех го имаше во 2016 кога ја освои титулата на Европското првенство во Франција.
Fernando Santos is no longer the head coach of Portugal. The decision has been made after World Cup. 🚨🇵🇹 #Qatar2022
Portugal will appoint new manager in the next weeks. pic.twitter.com/NI52gw9Aeh
— Fabrizio Romano (@FabrizioRomano) December 15, 2022
Неговиот договор истекуваше по ЕП во 2024 година, но разделбата се случи речиси две години порано по разговорите со претседателот на Федерацијата, Фернандо Гомеш.
Сантош по мечот со Мароко експлицитно најави дека нема да поднесе оставка.
– Оставка? Оставката не ми е во мојот речник – беа тогаш зборовите на Сантош.
Останува да видиме кој ќе биде новиот селектор на Португалија, а се шпекулира дека тоа би можел да биде сегашниот тренер на Рома, Жозе Мурињо.