Фантастичен француски тост со Нутела готов за 10 минути
Француски тост или пржени лепчиња е рецепт кој се подготвува уште од антички Рим. Парчиња леб се потопувале во млеко – а понекогаш и во јајца и се пржеле. Денес, францускиот тост е омилен во целиот свет, а се служи со овошје, чоколадо или во солени варијанти со шунка и сирење.
Препорачано
Најважно во подготовката е изборот на вистинскиот леб, оној кој е стар барем ден-два ќе биде најдобриот избор. Исто така, парчињата не треба да бидат премногу тенки. Идеалното парче е дебело од 2 до 2,5 см. Покрај тост или обичен леб, можете да користите и бриош. Француски тост со Нутела е она што ви треба!
Потребни состојки:
– 4 парчиња леб
– 4 лажици Нутела
– 1 јајце
– 1/2 чаша полномасно млеко
– 1 лажица шеќер
– 1 лажичка екстракт од ванила
– 1 лажица путер
– шеќер во прав
– банана
Подготовка:
Парчињата леб премачкајте ги со Нутела, додадете банани и направете сендвичи. Во плиток сад изматете ги јајцето, млекото, шеќерот и екстрактот од ванила за добро да се соединат. Секој сендвич потопете го во јајца од двете страни. Загрејте големо тавче на средно-силен оган. Ставете малку масло и додадете путер. Кога путерот ќе се стопи, додадете го лебот и пржете од секоја страна додека не порумени (околу 1-2 минути по страна). Наросете шеќер во прав и послужете.
