На претпоследниот викенд во рамките од Европскиот шампионат на ридски патеки одржана во Словенија триумфираше македонскиот автомобилист Игор Стефановски.

„Летечкиот“ Македонец Иџе на првата трка беше првопласиран и постави нов рекорд. Нашиот Стефановски во својата група „3“ (Категорија 1) имаше време од 2:29.697.

На втората позиција се најде Милован Весниќ од Србија (2:32.034), пред Анже Довјак од Словенија (2:34.376).

Истиот редослед беше и по завршувањето на втората трка на која славеше Македонецот со време 2:30.170, пред Весниќ (2:21.275) и Довјак (2:32.329).

Резултатите од двете трки на ГХД Петрол Илирска Бистрица (Словенија) можете да ги погледнете на следниот линк ТУКА

– Победа, сè поблиску до Европската титула – се огласи Стефановски на социјалните мрежи.

Последниот викенд каде се очекува Иџе да ја прослави европската титула ќе биде во Хрватска, Бузетски дани“, во периодот од 15 до 17 септември 2023 година.