Пренасочувањето на патничкиот авион на ирската авиокомпанија „Рајанер” од страна на Белорусија на 23 мај претставува „државно пиратство”, изјави денеска еврокомесарот Тиери Бретон.

Бретон истакна дека „ова е неприфатлив инцидент” по средбата во Литванија со патници од овој лет.

Столтенберг: Персоналот на белоруската мисија ќе има ограничен пристап до седиштето на НАТО

– Не само што е пренасочен европски авион со европски патници, туку повредени се европските вредности, и ние нема да го толерираме тоа, рече комесарот за внатрешен пазар на ЕУ.

Авионот на „Рајанер”, кој леташе од Атина до Вилнус, беше принуден да слета во Минск на 23 мај, при што беа уапсени белорускиот новинар Роман Проташевич и неговата девојка, Русинката Софија Сапега.

Тихановскаја: Проташевич го тепаат и малтретираат в затвор

– Тоа претставува напад врз Европа и „нема да го оставиме неказнет”, нагласи Бретон, уверувајќи дека ЕУ работи на подготовка на дополнителни економски санкции против Белорусија