Еурофарм Работник го „прегази“ поранешниот европски шампион!
Еурофарм Работник вечерва во салата „Боро Чурлевски“ триумфираше и во вториот натпревар овојпат против поранешниот европски шампион Металопластика со конечен резултат 32:21.
Најрасположен во редовите на домаќините беше Ловро Јотиќ со осум погодоци, три помалку запиша Владислав Остроушко. На спротивната страна за српскиот претставник Дејан Бабиќ имаше шест голови, а четирипати во листата на стрелците се запиша Виктор Матичиќ.
Во првите две кола од Лигата на шампионите битолчани имаа два тесни порази, но барем досега имаат одличен настап во регионалното натпреварување.
Во рамките од „Б“ групата, ракометарите на тренерот Стевче Алушовски со новите три бода после првите две кола се израмни со Веспрем на врвот на табелата.
Наредниот меч Еурофарм ќе го има во ЛШ на 29 септември во Шпанија против составот на Бидасоа Ирун.