Емил Рајковиќ повеќе не е тренер на ЦСКА Москва, официјално објави рускиот кошаркарски клуб на својот клупски сајт.

Македонскиот тренер седна на клупата на ЦСКА во летото 2022 година. Минатата сезона стана победник во регуларниот дел од сезоната, поставувајќи рекорди по бројот на победи (30) и победи во низа (24) на стартот од регуларниот дел, што му донесе на Рајковиќ титула тренер на годината во ВТБ лигата. Во плеј-офот „црвено-сините“ загубија од Локомотив-Кубан во полуфиналната серија од седум натпревари и ја освоија бронзата против Зенит.

Оваа сезона, московјаните станаа победници во првото коло на ВТБ лигата, а Раиковиќ стана тренер на тимот на Ол-стар натпреварот втора година по ред. Во исто време, ЦСКА го заврши второто коло со резултат 3-7, а во 2024 година во моментов победи на само осум официјални натпревари од вкупно 17.

Заедно со Рајковиќ од клубот си заминуваат и помошниците тренери Марко Величковиќ и Сашо Тодоровски.

– Сакам да изразам голема благодарност до кошаркарскиот клуб ЦСКА и неговиот претседател Андреј Ватутин за постојаната конструктивна соработка и довербата што ми ја укажаа, благодарение што го предводев еден од најуспешните тимови во историјата на европската кошарка. Во текот на овие две години имавме многу победи и голем број пријатни моменти кои ќе останат во моето сеќавање. Сега сакам да им се заблагодарам на мојот стручен штаб, на играчите и, не помалку важно, на навивачите на ЦСКА, кои секогаш нè поддржуваа на секој натпревар. Искрено се надевам дека смената на тренерот ќе го поттикне тимот, кој со враќањето на Каспер Вер ќе ја постигне целта да ја освои титулата – рече Рајковиќ за клупскиот сајт.

Веднаш по разделбата, ЦСКА Москва го промовираше својот нов тренер, Гркот Андреас Пистиолис.