Екипата на Наполи која новата сезона ја започна со убедлив триумф над Верона на која и даде пет гола, денеска ги крена очекувањата на своите навивачи со потпишувањето со тројца нови фудбалери.

Нови фудбалери на Наполи за кого настапува македонскиот репрезентативец Елиф Елмас, се Џакомо Распадори од Сасуоло, Џовани Симеоне од Верона и Тангуи Ндомбеле од Тотенхем.

Сите тројца фудбалери во Неапол пристигнаа на позајмица со право на откуп или со задолжителен откуп на крајот од сезоната.

Во текот на летниот преоден рок, Наполи се засили со Хвича Кварачхелија, Лео Остигард, Матијас Оливера, Салваторе Сиригу и Андре Замба Ангисе кои треба да претставуваат одлична замена за Калиду Кулибали кој се пресели во Челси, Дрис Мертес кој замина во Галатасарај и Лоренцо Инсиње кој потпиша за Торонто.