Елмас останува во Наполи и покрај интересот од Манчестер јунајтед и Евертон
Изминатиот период италијанските медиуми објавија дека нема никакви понуди стигнати за Ирвинг Лозано и Елиф Елмас, и двајцата остануваат се верни на Наполи.
Како што пренесува „Ил Матино“, и покрај интересот од други клубови, нема да се реализира никаков трансфер од Неапол летово на Мексиканецот и Македонецот.
Како информација излезе дека премиерлигашите Манчестер јунајтед и Евертон покажале интерес за Ирвинг и Елмас, но сето тоа е само чиста шпекулација, ништо конкретно.
Не се водат никакви преговори, и двајцата се дел од составот на тренерот Лучано Спалети. „Наполитанците“ и сезонава се очекува да бидат во сериозна трка за титулата во Серија А, а потсетување дека ќе играат и во групната фаза на Лигата на шампионите.
Елмас кој има важечки договор до 30 јуни 2025 година, ја игра својата четврта сезона во дресот на Наполи.