Експертите предупредуваат дека носењето волненa капa е штетно по здравјето
Еден од најтоплите материјали за носење на ладно време е волната, а при ниски температури важно е сите делови од телото, вклучувајќи ја и главата, да бидат добро покриени.
Зошто не е добро да се носи волнена капа?
Додека волнената капа може да ви ја загрее главата, таа исто така може и да предизвика губење на косата.
Сем Клинкир, извршен директор на „Есте медикал груп“ и експерт за кожа и коса, тврди дека изборот на погрешен материјал за капа може да ја оштети вашата коса.
„Волната е популарен избор за зимска облека, бидејќи е одличен природен изолатор за задржување на топлината, а исто така, е и материјал кој пропушта воздух кој го спречува прегревањето. Но, во зима, нашата коса е особено чувствителна на оштетувања и изборот на погрешен материјал за топли капи може да биде штетно“, рекол тој.
Ја „крши“ и суши косата
Ладниот воздух може да ја исцица природната влага од нашата коса, додава тој, оставајќи ја сува и кршлива и склона кон расцепени врвови и кршење, пишува британски „Експрес“.
„Носењето волнена капа на ладно време може да доведе до „кинење“. Волната и другите суви ткаенини можат да го влошат овој ефект, а исто така, и да ја извлечат влагата и природните масла од нашата коса и од кожата на главата“, објаснил Клинкир.
Влагата е клучна за одржување на здрава коса, помагајќи да се заштити од надворешни фактори како што е времето. Телото го одржува нивото на влага во косата, користејќи мрсна супстанција наречена себум.