Наследник на досегашниот прв вицепремиер Изет Меџити, кој реши да биде градоначалник на Чаир, ќе биде поранешниот министер за здравство Беким Сали, потврди денеска на прес-конференција портпаролот на коалицијата „Вреди“, Дритон Сулејмани.

„Ние веќе функционираме како „Вреди“ и досегашните министри кои беа министри на „Вреди“, а не на одделни политички партии, така и ќе продолжиме. Како што има најавено Меџити, негов наследник на позицијата прв вицепремиер ќе биде Беким Сали, додека за министер за животна средина и просторно планирање ќе биде назначен друг и за тоа допрва ќе се одлучува. Сѐ уште нема конкретно име – рече Сулејмани одговарајќи на новинарски прашања“, рече портпаролот.

Сали беше министер за здравство од 2022 до 2023 година, кога на таа позиција го наследи Венко Филипче.