Мандарините се богати со витамин Ц и природни антиоксиданси, а во исто време се освежителни и вкусни. Но, како да ги препознаете слатките и сочните? Еве неколку совети.

Ако сакате да го избегнете разочарувањето, постои едноставен трик кој може да ви помогне да ги изберете најслатките мандарини – а потребни се само неколку секунди. Потребно е нежно да се притисне кората од овошјето.

Еластичност на кора

Ако лушпата брзо се врати во првобитната форма по притисокот, постои голема веројатност дека мандарина е слатка и сочна.

Меки или тврди мандарини

Премногу меките мандарини често се презрели, додека оние со исклучително тврда кожа обично се кисели и помалку вкусни. Покрај проверката на текстурата, внимавајте и на тежината на овошјето. Потешките мандарини имаат тенденција да бидат посочни, додека полесните можат да бидат суви внатре.

Мирисот како показател за квалитет

Уште еден сигурен знак за добрата мандарина е нејзиниот мирис. Квалитетните мандарини имаат богат, интензивен и свеж мирис, што може да биде добар показател за нивниот вкус. Покрај тоа што се освежителни и вкусни, мандарините се богати со витамин Ц и природни антиоксиданси, што ги прави идеален сојузник во борбата против настинката и зајакнувањето на имунитетот. Благодарение на едноставното лупење на кората мандарините се практичен избор за ужина дома, на работа или за време на патување.

Следниот пат кога ќе се соочите со корпа полна со мандарини, испробајте го овој трик за да го изберете најдоброто можно овошје. Со притискање на лушпата, проверка на тежината и мирисот, можете да бидете сигурни дека избирате мандарини кои ќе ви обезбедат вистинско зимско уживање.