Актерката со хипнотизирачка убавина својот стил го донесе до совршенство комбинирајќи гИ минимализмот и елеганцијата на најдобриот можен начин.

Моника Белучи не експериментира и никогаш не ги следи слепо модните трендови, што секако и одговара со нејзиниот карактер и типот на убавина кој го поседува.

Она на што е вистински верна е елеганцијата, која зрачи со женственост, стил, мирни и избалансирани бои и сосема едноставни модели. Да едноставни, но никако досадни. Секоја комбинација која ќе ја претстави оваа безвременска убавица, без оглед дали станува збор за одело или свечен фустан, содржи твист и аксесоари кои совршено се надополнуваат и кои нејзиниот изглед го прават беспрекорен, а во исто време ненападен, одмерен и дамски.

Монохроматскиот стил кој го преферира, како и оделата во комбинација со секси корсетите и високите потпетици едноставно мамат воздишки на прв поглед. А фустаните на оваа дива се синоним за „помалку е подобро“ и колку личниот стил и едноставноста нераскинливо се поврзани.

Нормално, не смееме да ги заборавиме и секогаш совршено додадените аксесоари, ташни, накит, ремени, чевли, очила за сонце, кои внимателно ги избира за секој стајлинг.

Едноставно и без грешка – Моника Белучи е дама со стил, во вистинска смисла на зборот!