Една доза од вакцината на Фајзер штити 92,6 проценти, канадски епидемиолози бараат поголемо растојание меѓу две дози
Канадскиот епидемиолог од Центарот за контрола на болести во Британска Колумбија Данута Сковронски, и епидемиолог на Националниот институт во Квебек Гасон де Серес , апелираа на светските влади да направат поголемо растојание меѓу давањето на две дози на вакцината на Фајзер, бидејќи тврдат дека утврдиле дека по давање на една доза ефикасноста е 92,6 проценти.
Тие своите откритија ги предале на американската Агенција за храна и лекови, јави Ројтерс.
Нивните тврдења се слични со оние во кои наведоа дека ефикасноста на една доза на вакцината од Модерна мРНА-1273 е 92,1, што е објавено во медицинскиот магазин „Њу Ингланд џурнал“
Сковронски и Де Серес предупредија дека постојат нејаснотии околу тоа колку трае заштитата по давање на една доза на вакцината, но нагласија дека давањето на втората доза еден месец по првата, ја зголемува користа од вакцинацијата на што повеќе луѓе во одреден период.
„ПОради застојот на дистрибуција на вакцините, одложувањето на втората доза е прашање на закана по националната безбедност, која ако се игнорира сигурно ќе резултира со бројни хоспитализации и на илјадници смртни случаи оваа зима во САД“, предупредија авторите.
Во одговорот на компанијата Фајзер порача дека алтернативно дозирање на вакцината уште не е проценето и дека одлуката да се направи такво нешто е на здравствените работници на земјите кои ја користат нивната вакцина.