Џонсон ја презема одговорноста, но нема да поднесе оставка поради „Партигејт“
„Понизниот“ Борис Џонсон изјави дека ја презел целата одговорност, но нема да се откаже откако беше објавен извештајот во кој детално беа опишани низа незаконските забави за време на локдаунот во Британија.
Џонсон се соочуваше со повеќекратни повици да поднесе оставка од опозициските политичари и некои во неговата партија поради собирите во време кога целата нација беше затворена поради строгите ковид-мерки.
„Понизен сум и ја научив лекцијата“, рече премиерот Џонсон пред парламентот, велејќи дека нема да се повлече поради скандалот.
Британската министерка за надворешни работи Лиз Трас, која се смета за можен наследник, рече дека го поддржала премиерот „100%“ по неговото извинување.
Извештајот на високиот претставник Сју Греј не го обвини конкретно Џонсон, туку даде графички детали и вклучуваше фотографии од повеќе од десетина собири.
Тој присуствуваше на некои, вклучително и на забавата каде го прослави неговиот 56-ти роденден на 19 јуни 2020 година, за која беше казнет од страна на полицијата.
„Многу од овие настани не требаше да се дозволи да се случат“, се вели во извештајот. „Високото раководство мора да сноси одговорност за ваквите настани“.