Иако сите очи се вперени во спектакуларната венчавка на Џеф Безос и Лорен Санчез во Венеција, таа наводно веќе се случила. Според информациите објавени од „Дејли мејл“, двојката наводно се венчала пред повеќе од еден месец – и тоа далеку од рефлекторите, во САД.

Церемонијата во Италија ќе биде симболична?

„Нивниот брак е целосно правно валиден и регистриран според американскиот закон. Тие јасно ставија до знаење за време на подготовките дека церемонијата во Италија ќе биде симболична бидејќи веќе ги потпишале документите. Двојката наводно дури и не аплицирала за дозвола за брак бидејќи не им била потребна“, изјавил неименуван извор за „Дејли мејл“.

Безос, тврди истиот извор, лично потврдил дека тој и Санчез се веќе законски венчани, а исто така е познато дека претходно потпишале предбрачен договор што го штити огромното богатство на Безос, проценето на 244 милијарди долари.

Три дена забава, но без официјални завети?

И покрај фактот дека наводно веќе се сопружници, Безос и Санчез не штедат на прославата. Првата вечера за гостите се одржа вчеравечер на приватниот остров Сан Џовани Евангелиста, додека голема прослава е планирана за петок на островот Сан Џорџо Маџоре, веднаш до Големиот канал.

Во сабота, сè кулминира со раскошен бал во старото Арсенале, венецијанско бродоградилиште кое сега е претворено во ексклузивен простор под строги безбедносни мерки.

ФОТО | Ноќевање и до 10.000 фунти: Погледнете како изгледа хотелот каде што се сместени гостите на Џеф Безос и Лорен Санчез