Двајца измамници со украдени лични податоци подигнале онлајн брз кредит на име на жена од Општина Карбинци, а парите ги извлекле преку манипулација.

„СВР Штип поднесе кривична пријава против 35-годишниот С.П. од Струга и против 47-годишниот К.Т. од Велес поради постоење основи на сомнение за сторени кривични дела ‘измама’ и ‘злоупотреба на лични податоци’. Пријавените, довеле во заблуда едно лице од Општина Карбинци и со лажно прикажување на факти, обезбедиле нејзини лични податоци и број на банкарска сметка, при што на 25 јуни 2025 година аплицирале за онлајн кредит во финансиско друштво, а потоа под изговор дека по грешка се парите на нејзината сметка и побарале да ги повлече паричните средства и да ги предаде на второпријавената,“ соопшти полицијата.

Измамени пензионери во Штип, лажни лекари украле над 6.500 евра