Кевин Дурент му даде ултиматум на сопственикот на Бруклин нетс, Џо Цаи, да избира меѓу него или тренерот и генералниот менаџер.

Новинарот Шемс Чаранија објави дека Дурент имал средба со Цаи на која кошаркарот побарал да бидат отпуштени главниот тренер Стив Неш и генералниот менаџер Шон Маркс, за тој да остане во „мрежичките“.

Оваа вест ги возбуди навивачите на Бруклин, но и НБА фановите кои го нападнаа Дурент дека се однесува како размазена ѕвезда.

Но, медиумите во САД поинаку размислуваат и поголем дел од нив известуваат дека Дурент намерно го поставил овој ултиматум бидејќи знаејќи дека Неш и Маркс тешко ќе добијат отказ, полесно ќе издејствува заминување кое го побара по завршување на сезоната.

– Генералниот менаџер и тренерскиот тим ја имаат мојата поддршка. Ќе донесеме одлуки што се во најдобар интерес за Бруклин нетс – напиша Џаи на својот профил на Твитер.

Our front office and coaching staff have my support. We will make decisions in the best interest of the Brooklyn Nets.

— Joe Tsai (@joetsai1999) August 8, 2022