Дуа Липа направи онлајн концерт кој го следеа повеќе од 5 милиони луѓе
Дуа Липа во петокот, на своите обожаватели им го подари својот прв онлајн концерт „Studio 2054“, а таа вечер го следеа повеќе од пет милиони луѓе од сите делови на светот.
Пејачката ги воведе своите обожаватели во нејзиниот светкав свет. Виртуелното шоу досега има собрано над 5 милиони прегледи, вклучувајќи над 1,9 милиони прегледи од Кина, 95 000 од Индија.
Линкот за гледање на концертот ќе биде достапен до недела до 23:59 часот на „live-no.com“ со билети по цена од 10 американски долари.
Онлајн концертот на Дуа Липа се пренесуваше во живо од голем магацин, а пејачката пееше и танцуваше нешто повеќе од еден час со специјално креирана сценографија.
„Јас сум исклучително горд на Дуа и огромниот тим што стои зад овој неверојатен перформанс“, изјави Бен Моусон од музичкиот менаџмент „TaP“.
I am BEYOND excited to let you know that Studio 2054 had over 5 MILLION viewers globally on Friday night !!! – thank you so much to everyone for tuning in!! ?✨?I’m also so happy to announce that we’ve kept the show available to watch until Sunday ‼️‼️‼️https://t.co/GeQCKcWavN pic.twitter.com/3nF6klFMmU
— DUA LIPA (@DUALIPA) November 30, 2020
Моусон вели дека било навистина важно Дуа да создаде нешто што ќе ги надмине границите на вообичаено шоу во живо и таа ги надминала очекувањата на сите.
„Премногу сум возбудена да ве известам дека „Studio 2054“ имаше над 5 МИЛИОНИ гледачи на глобално ниво во петокот вечерта! Ви благодарам на сите!“, напиша пејачката заедно со фотографии од шоуто.