Дуа Липа ја тужат поради објава на сопствена фотографија, мора да плати вртоглава сума

EPA-EFE/FACUNDO ARRIZABALAGA

Британската пејачка Дуа Липа добила тужба и тоа, бидејќи на својот инстаграм-профил објавила своја фотографија!

Имено, спорната фотографија е во сопственост на еден од локалните папарацо-фотографи, поради што за користење на оваа фотографија се потребни авторски права и дозвола, кои пејачката секако ги немала.

Компанијата „Интеграл имиџес“ на 6 јули покренала тужба на осум страни против познатата пејачка, обвинувајќи ја за кршење на авторските права. Компанијата бара отштета од 150.000 долари, покривање на сите трошоци за парница и правни такси. 

Како што стои во тужбата, Дуа Липа објавила „без дозвола и одобрување“ една од нивните фотографии  На оваа фотографија, пејачката со голем шешир го напушта аеродромот.

Фотографијата е објавена во февруари на нејзиниот профил на Инстаграм, а „Интеграл имиџес“ напоменува дека пејачката ја користи таа социјална мрежа како маркетиншка алатка.

Законот за авторско право обично значи дека фотографот, а не субјектот на сликата, ги поседува правата на фотографијата.

„Интеграл имиџес“ ги добија авторските права за таа фотографија на 20 февруари 2021 година – две недели по објавувањето на Липа – според записите од Канцеларијата за авторски права на САД кои ги прегледал Би-би-си.

 

View this post on Instagram

 

A post shared by DUA LIPA (@dualipa)

Дуа Липа не е првата славна личност која е тужена поради споделување на своите „папарацо“ фотографии на социјалните мрежи.

Манекенката Џиџи Хадид, актерот Лиам Хемсфорт, ријалити ѕвездата Клои Кардашијан и пејачите Аријана Гранде, Џастин Бибер и Џенифер Лопез исто така се соочија со слични ситуации претходно.

 

Видео на денот