Се шпекулираше изминатите два месеци дека можно е Доријан Бабунски (25) да ја напушти екипата на Ботев Враца во чиј дрес сезонава покажа одлични перформанси.

Македонскиот репрезентивен напаѓач постигна 10 голови (во 18 настапи) и е во Топ 3 најдобри стрелци во најдобриот бугарски фудбалски шампионат.

Бугарските медиуми објавуваа дека неговиот клуб (со кој имаше важечки договор до крајот на сезоната) бара 100.000 евра за услугите на Македонецот.

Денеска Доријан Бабунски ја информираше јавноста преку социјалните мрежи дека ќе ја напушти екипата на Ботев Враца.

– Дојде време да се разделиме, сакам да mu се заблагодарам на овој клуб и на сите тренери што ми дадоа шанса да го работам она што најмногу го сакам, да играм фудбал. За моите соиграчи, кои се единствените кои навистина знаат колку е тежок овој пат, вие сте херои. Но, не само тоа, со себе ја носам и безрезервната поддршка од сите врачани. Никогаш не е лесно да се игра во странство, но ме натера да се чувствувам како дома и ви благодарам од сè срце. Ботев Враца е во добри раце, бидете заедно, бидете силни. Само Ботев! – објави Бабунски.

 

View this post on Instagram

 

A post shared by Dorian Babunski (@dorianbabunski)

Имаше понуди од Бугарија како ЦСКА Софија и Левски, се покажа и интерес од австрискиот клуб Рапид Виена.

Најновите информации велат дека најверојатно ќе ја продолжи кариерата во Унгарија, поточно во редовите на Дебрецени каде што настапува неговиот постар брат Давид Бабунски (27). Унгарците ќе ја платат потребната откупна клаузула, и пред официјално да се потпише договорот, играчот треба да ги помине задолжителните лекарски прегледи.