Вкусните тикви не се погодни само за неодоливи десерти, туку се идеални и за нега на кожата.

Кога ќе дојде есента и сезоната на тикви, често на нашата трпеза се наоѓаат топлите супи од тиква и вкусните пити. Освен за вкусни јадења, ви предлагаме да ја користите тиквата на поинаков начин оваа есен. Поради својот состав, тиквата има исклучително благотворно дејство врз убавината.

Содржи многу витамини – А, Ц и Е, кои се добри за кожата и ги спречуваат првите знаци на стареење. Исто така, постојат цинк, калиум и антиоксиданти кои ја смируваат и ја хранат кожата.

Како да ја вклучите тиквата во вашата рутина за убавина?

Подгответе освежителна и хранлива маска од пулпа („месото“) од тиква, која ќе ви обезбеди убава, здрава и сјајна кожа. Што е најдобро: лесно се прави, а состојките веќе ги имате дома.

Што ви е потребно?

– две лажици пулпа од тиква

– половина лажичка мед

– половина лажичка млеко или јогурт.

Подготовка и употреба:

Измешајте ги сите состојки додека не добиете хомогена смеса и нанесете ја со прстите на исчистено лице. Можете да ја ставите маската и на деколтето и вратот – во овој случај, дуплирајте ја количината на состојки. Оставете ја маската да делува околу 20 минути. Нежно отстранете ја со влажна крпа, потоа измијте го лицето и нанесете хранлив крем.