Некогаш патиките и луксузот беа неспоиви, но времињата се менуваат, а со тоа и модните правила.

Ана Лаплака, која работи како моден уредник за „Мери Клер“ (Marie Claire), напиша статија за луксузни патики.

Како личност која ги следи сите трендови, стајлингот на славните и познава добро скриени винтиџ продавници низ Америка, немаме причина да не ѝ веруваме на нејзината проценка.

„’Луксузни’ е токму зборот со кој би го опишала најновиот стил на патики кој ги освои плакарите на модните ентузијасти. Се чини дека сите сега посегнуваат по патики од превртена кожа, а не можете да негирате дека овие патики оставаат ‘луксузен’ печат“, пишува таа.

 

View this post on Instagram

 

A post shared by Débora Rosa (@deborabrosa)

Не е изненадување кога ќе ја погледнете огромната побарувачка за секакви работи од вештачка кожа оваа сезона, од јакни до чанти, па патиките се само најновиот елемент за да се добие луксузен кадифен третман.

Кога станува збор за специфичните стилови кои го дефинираат овој тренд, „Њу Баланс“ (New Balance) е еден од брендовите кои ги лансираат најбараните модели на пазарот, во голема мера благодарение на соработката со „Миу Миу“ (Miu Miu), чии дизајни се распродаваат во рекордно време.

Патиките од превртена кожа добиваат на популарност и кај други брендови, вклучително и „Пума“ и „Адидас“, а моделите како Speedcat и Sambas сè уште се на листата на распродадени производи.

Без разлика дали ќе ги комбинирате со други „луксузни“ парчиња во вашиот плакар или ќе ги носите за да го подобрите опуштениот изглед, патиките од превртена кожа дефинитивно ќе ги дефинираат трендовите во 2025 година – и искрено, тие веќе доминираат.