Доколку игра во Австралија, Ѓоковиќ го дозна првиот ривал во 2022 година
Новак Ѓоковиќ, најдобриот тенисер на светот доколку одлучи да настапува во Австралија, веќе го дозна првиот противник со кој ќе ги одмери силите во 2022 година.
И натаму првиот светски рекет не потврдил, ниту демантирал дека ќе игра за Србија на АТП купот. Тој се наоѓа на листата пријавени играчи, но тоа не значи дека со сигурност ќе настапува.
Доколку има официјална информација дека Ѓоковиќ ќе оди во Австралија, тогаш и се знае против кој ќе ја започне сезоната.
На 1 јануари Србија ќе игра против Норвешка во рамките од групната фаза на АТП купот, а за скандинавската селекција е потврдено дека ќе учествува Каспер Руд.
И токму Руд би можел да биде првиот ривал на Ѓоковиќ на тој турнир. Двајцата играчи двапати се сретнаа во кариерата во кои славеше српскиот ас.
Наскоро се очекува Ѓоковиќ да ги соопшти плановите за почетокот на сезоната, кој е стандарно во Австралија, држава која има строги мерки за невакцинираните против ковид-19.