Малопродажната цена на ЕУРОДИЗЕЛ (Д-Е V) од полноќ се намалува за 2,00 денара по литар, а цените на ЕУРОСУПЕР БС-95 и ЕУРОСУПЕР БС-98, на Екстра лесното масло за домаќинство на (ЕЛ-1) и на Мазутот М-1 НС не се менуваат, одлучи денеска Регулаторната комисија за енергетика.

Новата цена на ЕУРОДИЗЕЛ (Д-Е V) ќе биде 82,00 денари за литар. Цената на ЕУРОСУПЕР БС – 95 е 81,50 денар по литар, ЕУРОСУПЕР БС – 98 84,00 денари по литар, а на Екстра лесно 1 (ЕЛ-1) 82,50 денари по литар. Цената на Мазутот М-1 НС е 47,174 денари по килограм.

Од РКЕ соопштија дека референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 0,508%, кај дизелот за 2,946%, кај екстра лесното масло за 2,379% и кај мазутот намалувањето е за 1,858%.