Десетина диви свињи хараат по улиците на хрватскиот остров Молат. Без страв влегуваат во дворовите на семејните куќи и ги уништуваат градините, велат мештаните. Жителите на островот се очајни и од ловците бараат решенија, и тоа што е можно побрзо, објави „Dnevnik“.

Ноќе дивечот воопшто нема страв од луѓето, а со истиот проблем се соочува и Дуги Оток, каде што, покрај дивите свињи, мештаните ги тероризираат и елени.

Поради овој проблем, денеска во задарскиот архипелаг беше одржан состанок на жупанијата, градот и ловечкиот сојуз.

„Задоволни сме од исходот на состанокот, ловците веќе од овој викенд ќе започнат со реализација на намалување на бројноста. Сето тоа ќе го следиме преку бројките на отстрел“, изјави Роко Павиќ, секретар на жупанискиот ловечки сојуз.

Дивеч овие денови можеше да се сретне и во Задар.

Резултатите од отстрелот на подрачјето на Задарската жупанија би требало да бидат видливи во рок од два месеца.