Министерот за земјоделство Трајан Димковски изрази очекување деновиве Србија да ја тргне забраната за извоз на брашно во земјава. Според него ваквата одлука на нашиот сосед би требало да биде донесена во најскоро време особено поради притисокот на тамошните компании кои традиционално се присутни на македонскиот пазар.

-Од Србија може да се увезува пченица, нема забрана. Во меѓувреме очекуваме и деблокирање на забраната за брашно. Не треба да не загрижува ситуацијата. Не е побарано директно од нашите власти дозвола за извоз на брашно од Србија. Клучно е дека, според пораките на сите влади во ЕУ, економијата мора да продолжи да функционира, вклучувајќи го и снабдувањето на пазарите со храна, а ние сме традиционален увозник на брашно од Србија, вели Димковски.

Димковски информира и дека се прават максимални напори за продолжување на ИПАРД 2-мерката за инвестици во земјодески стопанства која регуларно истекува за 15 дена. Во овој сегмент Министерството е во постојана комуникација со претставници од Брисел.