Македонскиот репрезентативец Ненад Димитријевиќ и неговиот Хувентус ги завршија настапите во Еврокупот откако денеска загубија и во вториот натпревар против Виртус Болоња.
Овој пат Хувентус е поразен на домашен терен со 78:84 и со 0:2 во победи ги заврши настапите во четвртфиналето.
Италијанскиот тим беше подобар во првото полувреме кое го реши во своја корист со 31:43, а со одличната игра продолжија и во третиот период кога дојдоа до предност од дури 23 поени (32:55). По ова големо водство, домашните кошаркари како да се разбудија, заиграа далеку подобро и во последната четвртина дури и дојдоа во водство (72:71), но немаа сили да триумфираат на крајот.
Димитриевиќ помина 13 минути на паркетот и за тоа време постигна седум поени и имаше три скока, а најзаслужи за вториот триумф и пласманот во наредната рунда беа Вимс со 18 и Теодосиќ со 17 постигнати поени.