Претседателот на Куба, Мигел Дијаз-Канел денеска изјави дека САД не успеале во напорите да ја уништат Куба.

Неговата изјава уследи еден ден откако американскиот претседател Џо Бајден наведе дека Куба е „пропадната држава која ги угнетува своите граѓани”.

„САД не успаеја во напорите да ја уништат Куба,иако на тоа потрошија милијарди долари“ напиша на Твитер Дијаз-Канел, пет дена по протестите, во кои повредени се десетина луѓа, а повеќе стотици се уапсени.

Si el Presidente Joseph Biden tuviera sincera preocupación humanitaria por el pueblo cubano, podría eliminar las 243 medidas aplicadas por el Presidente Donald Trump, incluidas las más de 50 impuestas cruelmente durante la pandemia, como primer paso para el cese del bloqueo.

— Miguel Díaz-Canel Bermúdez (@DiazCanelB) July 16, 2021

Бајден вчера истакна рече дека разгледува неколку планови за помош на Куба, како испраќање вакцини против Ковид-19 и повторно воспоставување на мобилен интернет.

„Ако претседателот Џо Бајден навистина се грижи за кубанскиот народ, тој би можел да ги укине 243-те мерки воведени од претседателот Доналд Трамп, вклучително и над 50 брутално изречени за време на пандемијата, како прв чекор кон ставање крај на блокадата“ посочи Дијаз-Канел.

Американското ембарго кон Куба е во сила од 1962 година, а беше заострено за време на мандатот на Трамп.