Музичкиот могул и рапер Шон Комбс Диди изнесе шокантни тврдења за условите во затворот во кој моментално престојува. Во својата последна жалба за кауција, поднесена од неговиот адвокат Марк Агнифило, тој тврди дека Метрополитен центарот за притвор во Бруклин е „нехуман“ објект.

Диди тврди дека му се служи храна полна со црви и истечена рок на траење во затворот, пенесува „Пејџ сикс“.

Агнифило бара од судијата Арун Субраманијан да го ослободи 55-годишниот рапер со кауција пред изрекувањето на пресудата, која е закажана за 3 октомври.

„МДЦ рутински служи храна заразена со истечен рок или црви. Храната со црви на оваа фотографија, за жал, не е невообичаено искуство“, рече адвокатот.

Диди е во затвор во Њујорк, чии други познати затвореници се Р. Кели и Гислен Максвел, од неговото апсење во септември 2024 година. Во тоа време, тој беше обвинет за трговија со луѓе со цел сексуална експлоатација, рекетирање и проституција.

Осум недели по почетокот на неговото судење во мај, тој беше прогласен за виновен по две точки за транспорт на лица со цел проституција и ослободен од посериозните обвиненија.